Një video e turpshme është publikuar sot nga portali JOQ, ku shihen dy policë të Bashkisë Tiranë, që dhunojnë e më pas kërcënojnë një qytetar me fjalor rruge.
“Shërbëtorët e qytetit”, ashtu siç i quan Erion Veliaj punonjësit e bashkisë së drejtuar prej tij, kërcënuan një qytetar, vetëm pse ai po filmonte ata duke marrë nga një tregëtar fruta apo perime pa i paguar ato, si haraç që duhet të paguante tregëtari prej uniformës.
Në fillim policët e kërcënojnë qytetarin me stil mafioz duke i bërë foto, që nëse ai do publikonte diçka ata kishin fotografinë e tij. E kërcënuan për t’i marrë telefonin që po filmonte duke i thënë kolegut se: “Paska njëri telefon për të shitur”.
Ndërsa polici me emrin Fredi, pasi kuptoi se qytetari po e filmonte e kap prej krahu, kërkon ti sekuestroj sendet e tij dhe e ofendon me fjalor rruge, madje duke e kërcënuar me jetë: A më njeh ti mu më rrot k*ari, unë ti q*i robt, o by**q*r ta futa nai grusht…”, fjalor që vetëm një halabak mund të përdor.
Të tillë “shërbëtorë të qytetit” nuk i duhen askujt, veç bandave dhe kriminelave që t’i përdorin sa herë ka për të shantazhuar, dhunuar apo ofenduar dikë. Të tillë njerëz e kanë vendin vetëm në burg, bashkë me shokët e tyre, ku prej aty mund të tregojnë trimërinë me shokët e qelisë.
Të tillë polic nuk mund të jenë fytyra e parë e pushtetit me qytetarin. Për të tillë punonjës që flasin me gjuhën e kriminelit duhet të ekzistojë një databazë rekordesh në punë, sepse largimi i tyre nga puna nuk mjafton, por duhet të sigurohemi që të tillë njerëz mos të gjejnë punë kurrë, të paktën në administratën ku punonjësi duhet të jetë model qytetarie dhe jo model bandash. Për më tepër ndiqni video denoncimin e qytetarit./Ekskluzive.al
