Lajmi se Ilir Meta me Sali Berishën kanë një skenar se si do të ndajnë pushtetin pas 25 prillit 2021, pasi e quajnë të sigurtë fitoren e zgjedhjeve ka një prapaskenë të frikshme në kurriz të kreut aktual të PD Lulzim Basha.
Televizioni i Ylli Ndroqit, i afërt me Ilir Metën, thotë se kreu i shtetit do të zgjidhet kryeministër më 26 prill, si dhe ministër i Brendshëm, ndërsa Sali Berisha president.
Duke shpjeguar kështu këmbënguljen e Berishës netë më parë në televizionin e të birit se do të jetë jo vetëm deputet por do të kontribuojë në vendin e caktuar të tij.
E paska pasur fjalën për rikthimin në Presidencë, një ëndërr e kahershme e tij pasi dështoi të plotësonte mandatin e dytë në vitin 1997 kur dha dorëheqjen.
“Ora News ka mësuar nga burime jozyrtare, se në datë 26 prill Ilir Meta do lërë Presidencën.
Këto burime për Ora Neës bëjnë të ditur se Meta do të lërë Presidencën do të marrë postin e kryeministrit dhe ministrit të Brendshëm, ose të zv. kryeministrit dhe ministrit të Brendshëm njëherazi, gjithmonë kjo në varësi të rezultatit të zgjedhjeve që janë dekretuar të mbahen më 25 prill 2021. Ndërkohë, postin e presidentit flitet që mund ta marrë Rexhep Meidani ose Sali Berisha, të dy persona që më parë e kanë mbajtur këtë post.
Gjithashtu, burimet për Ora News sqarojnë Meta nuk do te mbajë asnjë teser partie. Zyrtarisht, mandati i presidenti Meta mbaron në datë 24 korrik 2022”, thotë televizioni i Ylli Ndroqit.
Nuk dihet përse e ka shpërndarë këtë lajm Ilir Meta, por nëse njerëzve u thua që Meta do bëhet kryeministër dhe Berisha president, i ke humbur zgjedhjet pa u bërë.
Por në këtë lajm të emetuar nga Ilir Meta në median afër ti nuk përmnendet në asnjë cep kreu i PD Lulzim Basha, njeriu që do të përballet zyrtarisht me Edi Ramën më 25 prill 2021 në krye të opozitës dhe që mendohet të jetë kryeministri i ardhshëm i Shqipërisë në rast fitoreje.
Presidencën e paska “zënë” Sali Berisha, postin e kryeministrit dhe të Ministrit të Brendshëm e ka “pronontuar” Ilir Meta.
Me këtë skenar Luli Basha del me “këpucë të kuqe”, pasi asnjë post nuk mbetet për të.
Ndërkohë që është një sinjal i qartë se opozita dhe PD janë aq të përçarë sa vihet në diskutim dhe pozicioni i kreut të saj.M.N-TemA
