Të shtunën, më 1 qershor, drejtpërdrejt nga Wembley në Londër, Evropa kurorëzon më të mirët. Pas një sezoni spektakolar të Uefa Champions league, në aktin final do të përballen prusianët e pandalshëm me galaktikët legjendarë. Jemi në ligën e kampionëve, aty ku mrekullitë ndodhin.
Surprizuesi Edin Terziç përballë “il re” Carlo Ancelotti, në një përplasje deri në frymën e fundit. Para më shumë se 90 mijë tifozëve të pranishëm në stadium dhe dhjetra miliona të tjerëve që do ta ndjekin nga ekrani, Borussia Dortmund do të sfidojë Realin e Madridit, në majën e Evropës, në një duel që do të paralizojë botën…
Ndeshjen mund ta ndjeki para ekranit të “Tring Sport 1” çdo tifoz e sportdashës, në një mbrëmje magjike që fillon në orën 20:00 me lidhjen e drejtpërdrejtë nga Wembley, me Hans Zuna dhe kapitenin Lorik Cana, me Studio Champions Finalja e Madhe.
