Kryetari i grupit parlamentar të Partisë Demokratike, Edmond Spaho ka sulmuar gazetarin Sokol Balla pasi ky i fundit u shpreh se kabineti i qeverisë është më i keq se ai i para 2017 që kishte dhe tepsinë brenda, por është më i mirë se çdo kabinet tjetër alternativ që do të paraqiste opozita.
Përmes një statusi në Facebook, Spaho shprehet se kjo humbje e objektivitetit profesional të gazetarit Balla vjen si rezultat i miqësisë me Ramën.
Më tej deputeti i PD i sugjeron Ballës gjithashtu që të anëtarësohet në Rilindje.
“I dashur mik Sokol. Do ishte më mirë për ty që të antarësohesh edhe zyrtarisht në Rilindje.
Nuk është turp që të jesh anëtar i PS, këtë nuk mund ta them për Rilindjen. Është realitet që qeveria e sotme është edhe më e keqe se ajo para 2017.
Ç’lind nga macja do gjuajë minj. Ç’del nga Rilindja zor se do heqë dorë nga hajdutëria dhe bashkëpunimi me krimin dhe oligarkët.
Atje ku gabon ti Sokol, dhe këtë e bën me qëllim, është konkluzioni që kjo qeveri qenka më e mirë se çdo kabinet i mundshëm i opozitës.
Këtë e thua që të bindësh naivët që Rama është e keqe e domosdoshme. Cilët nga opozita të duken ty Sokol se janë hajdutë apo të lidhur me kriminelet?
Përse përfaqësuesit e opozitës të duken më të zinj se Rama, Damiani, Arbeni, Vangjushi, Qazimi e plot e plot të tjerë.
Privilegjet që të jep miqësia me Ramën të kanë rrëzuar edhe genin e fundit të objektivitetit profesional. Prandaj Sokol të them antarësohu në Rilindje.”- shkruan Spaho.
