Zef Brozi vlerëson punën e SPAK dhe GJKKO në luftën ndaj korrupsionit në Shqipëri. Nga Amerikës ku jeton prej më shumë se 20 vitesh, Brozi ka reaguar ndaj zhvillimeve të fundit ku Sali Berisha është marrë nën hetim nga SPAK.
Gjate intervistes ne Report TV, Brozi shprehet se SPAK dhe GJKKO po bëjnë më në fund atë që shqiptarët prisnin prej vitesh, po ndëshkojnë korrupsionin 32-vjeçar të politikanëve dhe pushtetarëve.
Porosia e Zef Brozit për ish-kolegët e tij të sistemit shqiptar të drejtësisë është të sekuestrojnë pasuritë e politikanëve të korruptuar.
“Më në fund SPAK dhe Gjykata e Posaçme bënë hapin e parë që shqiptarët e ndershëm kishin vite që prisnin. Prandaj SPAK dhe Gjykata e Posaçme duhen përshëndetur, mbështetur dhe inkurajuar të vazhdojnë hetimin dhe ndëshkimin e korrupsionit dhe krimeve të kujtdo ish- pushtetari e zyrtari të rangjeve të larta.
Sekuestroni e konfiskoni pasuritë që këta pushtetarë e ish-pushtetarë i kanë grabitur Shqipërisë me korrupsion dhe abuzim. Mbështetja e institucioneve të Amerikës dhe Bashkimit Europian për SPAK, BKH e Gjykatën e Posaçme bëhet përditë e më e madhe dhe e shumëanshme”, tha Zef Brozi.
