Një debat i madh është hapur mes anëtarëve të BE-së, ku pika kryesore e mosmarrëveshjes është mbi veprën penale të “shpërdorimit të detyrës” nga zyrtarët publikë, me kundërshtarët që kërkojnë riklasifikimin e saj nga një vepër penale në një vepër administrative.
Italia e hoqi veprën penale të shpërdorimit të detyrës në vitin 2024, pasi kishte qenë pjesë e ligjit të saj penal për gati një shekull, me arsyetimin se pas dekriminalizimit ky ishte një ligji që pengonte vendimmarrjen në nivelet lokale dhe qendrore të qeverisjes, me zyrtarët që kishin frikë se mos akuzoheshin për ndarjen e burimeve publike..
Argumenti i elitarëve të BE-së faktohen më së miri në Shqipëri ku SPAK një strukturë antikorrupsion i ka zero rastet e korrupsionit të dënuara…të gjithë zyrtarët e dënuar janë për shpërdorim detyre me zero lekë përfitim.
Kjo është pushka antikorrupsion e SPAK, një pisqollë me barut që bënë vetëm tym e zhurmë, por nuk vret asnjë të korruptuar, që me zhurmën e tymin e saj po mashtron opinionin, për “luftën e madhe” që po bënë kundër kancerit të zhvillimit të vendit.
Madje me luftën imagjinare të “dumanëve”, shtetit dhe taksapaguesve po u bëhte një dëm i frikshëm, ku përveç milionave për të mbajtur këtë strukturë janë dhe braktisja e njerëzve të aftë dhe me integritet i detyrës ose mos marrja e detyrave te rëndësishme nga frika se mos përfundojnë në burgën e ngritur nga Republika e Prokurorëve” pa bërë asnjë krim.
Ky ligji i keqpërdorur sot është bërë gjithashtu një instrument i nxitur politikisht i ngacmimit nga prokuroria me kallzime politikanësh të palëve kundërshtare, kur provat janë të gatshme, mjaftonte vetëm një dëshmitarë kallzues se….pastaj ta qendisin sharlatanët e BKH-së me delirantët e SPAK biografinë kriminale.
Arsyeja pse Italia dhe Gjermania aktualisht sot kërkojnë me ngulm heqjen e nenit “shpërdorim detyre” nga kodi si vepër penale është se dispozita është e paqartë, tepër e gjerë dhe e hapur për keqpërdorim, pasi mund të përdoret për të synuar dhe akuzuar zyrtarët publikë në mënyrë që të krijojë një shfaqje publike të luftimit të korrupsionit nga ana e prokurorëve dhe prokurorisë gjë që është reale dhe e papreceedent në Shqipëri.
Ata gjithashtu argumentojnë se kjo mund t’i dekurajojë zyrtarët të punojnë për administratën publike ose të miratojnë projekte të financuara publikisht nga frika e përballjes me ndjekje penale gjatë ushtrimit të detyrës, pa bërë shkelje ligjore korruptive, por vetëm shkelje administrative ku nuk kanë përfituar asgjë dhe nuk kanë krijuar asnjë dëm në kurriz të taksapaguesve, por ndoshta kanë lejuar që të ardhurat në një aktivitet të transferohen padrejtësisht në favor të një subjekt përfitues, nga gabimi dhe neglizhenca e zyrtarëve të paaftë ose të pakujdesshëm dhe kjo kurrsesi nuk mund të jetë vepër penal.
Ndaj parlament dhe konkretisht shumica e cilësuar e Edi Ramës duhet të heq urgjentisht këtë armë zhurmuese dhe tymuese në dorë të drejtësisë gjoja të reformuar, për të kthyer në shina shtetin e së drejtës sipas standarteve të BE-së… shtëpisë ku duam të futemi. /Ekskluzive.al
