Protesta e studentëve po vazhdon edhe në orët e mbrëmjes, ndërkohë që protestuesit po bëhen gati për të kaluar mbrëmjen përpara Ministrisë së Arsimit.
Edhe pse temperaturat janë të ulëta, studentët kanë gjetur zgjidhje për tu ngrohur me zjarre të vogla dhe me batanije që i kanë marrë nga konviktet apo shtëpitë e tyre.
Ditën e nesërme ata kanë lajmëruar për zhvendosje të protestës përpara parlamentit. Për studentët, protesta e ditës së sotme ka qenë e suksesshme pasi bëri zhurmë në të gjitha mediat.
Protestuesit shprehen se derisa të ketë përgjigje nga kryeministri, protesta do të jetë pa afat.
