Avokati i ish deputetit Saimir Tahiri, Maks Haxhija, në një prononcim për mediat pak minuta me pare u shpreh qartë se prokuroria as në këtë seancë nuk arriti të paraqesë asnjë provë sado të thjeshtë kundër Tahirit.
“Prokuroria as në këtë seancë nuk paraqiti asnjë provë qoftë të rëndë apo të thjeshtë fare ndaj Tahirit. Prokurori shkoi madje edhe më tej që për të justifikuar kërkesën për arrest me argumentin se Tahiri mund të vijë në zyrën time e të prishi provat!
Historia e skafit është një farsë sepse ai është marrë nga një biznesmen brenda të gjitha rregullave dhe ka pësuar difekt dhe është kthyer. Nuk ka asnjë provë theksoj, që implikon Tahirin në asgjë në lidhje me pretendimet e prokurorisë”, deklaroi Haxhiaj.
