Kryetari i Partisë Demokratike Sali Berisha, gjatë diskutimit si i ftuar në emisionin “Top Story”, deklaroi se është përgjuar gjatë periudhës që ka qenë kryeministër nga presidenti i SHBA-së Barack Obama. Berisha u shpreh se në listat e publikuara gjendej edhe emri i tij, njëkohësisht se ata nuk kanë zbuluar asgje sepse ka qenë gjithçka në rregull.
“Harronte që ai institucion, pra mekanizmat e mbikëqyrjes dhe sigurisë, nuk të lejojnë. McGonigal ishte një gjobëvënës. Pra Edi Rama, jo vetëm që e përdori për shkatërrimin e opozitës, por edhe për të flistuar miqtë e tij më të afërt, Tom Doshin dhe Vangjush Dakun. Me një vend mik nuk e bën kurrë. Në çështjet e sigurisë mund të kesh shumë, por kur bëhet fjalë për sigurinë janë udhëheqësit e padiskutueshëm.
Edhe unë jam përgjuar nga SHBA. Telefoni im është përgjuar nga Barack Obama. Ka dalë lista. Në listat që u publikuan, nga kryeministrat e përgjuar, ishte edhe emri Sali Berishës. Unë po them pozicionin, prandaj i thoja që ju s’keni asnjë fakt mbi tokë”, u shpreh ai.
Ndër të tjera, Sali Berisha ka reaguar edhe në lidhje me deklaratën e fortë që dha sot në Parlament, ku u shpreh se zotëron video erotike të një zyrtari të lartë. Ai u përgjigj se këto video ekzistojnë dhe nuk janë histori të sajuara, por të vërteta.
“Edi Rama i paaftë për të përballuar tmerrin e lidhjes me McGonigal nxorri sot zonjat dhe unë fillimisht thash po flasim. Kur mora vesh se kishin për deklaratat e ditës së premte. Në pamje të parë kjo ishte përpjekje e Ramës për të paraqitur një turist seksi McGonigal dhe për të injoruar oproblemet madhore të sigurisë. Ajo deklaratë sado quhet qesharake ishe e porositur. Qëllim e parë jua thash të dytin nuk jua them dot…”
“Këto nuk janë histori të stisura, janë reale. Ajo që ishte habia, ishte që unë nuk kisha përmendu emra. Asnjë emër, por problemi është se si ato marrin përsipër të ngriheshin aty si njëri që kanë mizën pas veshit”, deklaroi Berisha.
Po ashtu lideri i “revolucionit” u shpreh, se Edi Rama dhe Yuri Kim janë angazhuar në skenarin për shkatërrimin e opozitës, duke favorizuar në disa situata edhe Lulzim Bashën.
“Skenari për shkatërrimin e opozitës në të cilin u angazhua Edi Rama dhe po kaq në mënyrë destruktive Yuri Kim, kaloi në tre faza.
E para ishte futja në sqetull e Bashës më procesin që u ndërpre në Apel dhe nuk shkoi në Gjykatën e Lartë, Edi Rama dërgoi disa herë Engjëll Agashin. Kjo nuk sillte atë që donte Rama. Komisionin hetimor me Bashën këto ditë e nxjerrim e kemi përfunduar. Ato para nuk kanë hyrë në arkën e PD-së. Pasi nxori prokuroria raportin doli raporti tjetër ku u tha se Putin ka dhënë para në Evropë, ndër të cilat ka marrë edhe PD-ja. Pas kësaj u detyruam të hetojmë.
Etapa e dytë ishte të godasim një njeri që kishte autoritet moral dhe këtë e zgjidhën me non-gratën.
E treta ishte ti marrim logon, vulën e flamurin. Më gjashtë mars u zhvilluan zgjedhjet dhe ne nuk kishim vendim për Kuvendin e 11 dhjetorit. Pa vendimin e Gjykatës ne bëmë si bëmë dhe me 25 mars gjykata vendosi që këto janë legjitime.”- tha Berisha.
