Kryeministri Edi Rama ka shpërndarë një video 3 minuta e 37 sekonda ku pasqyrohet e gjithë situata e krijuar që nga tërmeti i 26 nëntorit.
Rama shprehet se kjo është një video e cila i ka ardhur në Facebook anonanimisht.
“Ti Nuk Do Jesh Kurrë Vetëm. Me një falenderim për dërguesit e panjohur të këtij mesazhi, duke postuar videon e tyre prekëse, i përqafoj dhe u them me plot gojën: Ju dua.
Përshëndetje z. Edi Rama!
Duke u ndikuar nga tragjedia që ka prekur gjithë Shqiptarinë këto ditë, ne, si një grup të rinjsh që përpiqemi të bëjmë pak art, vendosëm të bënim një video sensibilizuese rreth kësaj teme.
Është një video e bërë me shumë dashuri dhe ndjeshmëri dhe po shpresojmë që ta konsideronit për ta shikuar deri në fund, dhe pse jo ta shpërndanit në rrjetin tuaj social. Faleminderit”, shkruan Rama.
