Kryeministri Edi Rama iu është përgjigjur ‘flakë për flakë’ akuzave të gjysëm kryedemokratit Lulzim Basha.
“Kanti thotë kur dikush të akuzon për një gjë që nuk e ke bërë. Ose e ka bërë vetë, ose ka ndërmend ta bëjë. Zotëria më tha një mundësi për shkak të paaftësisë së tij në raport me shifrat. Po sikur fondet e vendosura nga BE, të rezultojnë më të larta në shpenzime sepse fondet e qeverisë.
Çfarë të bëjmë me këtë çarçaf që u bë këtu? Parafolësit i mbetet ajo që i ka mbetur gjithmonë; humbja. E përgatit me gjuhën dhe veprimet çdo ditë. Mua fondet e BE më pëlqejnë shumë dhe jam mirënjohës. Jam mirënjohës për ata që kanë punuar për këtë projekt. Atë fjalën hajdut gëlltite brenda. Mate mirë kur flet kur nxjerr gjuhën. Bëhu burrë njëherë se të ka ardhur rasti. Nuk ma tregon dot mua ti, sa njerëz kam takuar unë nuk i kanë takuar gjithë kryeministrat bashkë. Ti nuk del dot sot të takosh njerëzit e partisë tënde.
Dili zot njerëzve të tuaj se i ke edhe 95%. Mos hajde këtu që të ndysh njerëzit se nuk ta ka borxh njeri. Arsyeja që ti nuk fiton nuk janë as kriminelat dhe as bossat. Ti gënjen veten tëndë, ndrysho sa nuk është vonë. Jam këtu për të të respektuar edhe ty, por që kjo parti të jetë më e bukura e lindjes; give me a break. Ti mund të jesh mister lindja. Po aman lind. Bëhu burrë dhe mos hajde këtu me shpifje e llum. Por hajde me argumenta.”, u shpreh Rama.
