Ka qenë tragjik fati i familjes Cara nga Rubiku, e cila u shua e gjitha brenda pak ditës si pasojë e infektimit nga COVID-19.
Hamit Cara 81 vjeç, Dushe Cara 73 vjeç dhe djali i tyre i vetëm Arben Cara, 49 vjeç kanë gjetur vdekjen si pasojë e koronavirusit.
Teksa ka folur për mediat, një fqinj i tyre ka treguar ngjarjen në fjalë, ndërsa bëri me dije se gruas i kishte vdekur i vëllai si fillim dhe më pas djali e burri dhe dyshimet e para janë se familja Cara u infektua në ceremoninë mortore të vëllait të Dushes.
“Si fillim, Dushes i vdiq vëllai. Më pas i vdiq djali, burri dhe më pas vetë ajo. Djali ishte në spital në Rrëshen, ndërsa zonja vdiq tek ‘Shefqet Ndroqi’”, ka treguar fqinji i familjes Cara.
