Për gati një muaji nga përhapja e pandemisë, Italia kishte numrin më të madh të vdekjeve lidhur me koronavirusin në botë, duke ia kaluar dhe Kinës, epiqendrës së virusit. Por, tani mjekët shpresojnë ta kthejnë vuajtjen e Italisë në avantazhin e saj, raporton “CNN”.
Vendi po i kthen shpresat në trajtimin nëpërmjet plazmës së gjakut të të mbijetuarve nga Covid-19 për të ndihmuar ata që vuajnë më shumë nga virusi pandemik.
“Ka diçka të mirë nga ky trajtim”, tha dr. Fausto Baldanti. “Ne patëm një shpërthim kaq të madh të rasteve, tani kemi shumë donatorë të mundshëm”.
Njerëzit që shërohen nga infeksioni, ose të cilët testuan pozitiv, por kurrë nuk kanë përjetuar simptoma, zhvillojnë antitrupa në plazmën e tyre të gjakut, sipas Zeri. Këto antitrupa mund të transferohen në një pacient tjetër, të cilat mund të ndihmojnë në neutralizimin e virusit në trupin e marrësit.
Për dekada të tëra, mjekët kanë përdorur plazma gjaku nga pacientët e rikuperuar për të trajtuar të infektuarit rishtazi.
