Gazetarja Aida Shtino pas shumë kohësh heshtje ka folur për largimin e saj nga ekrani televiziv që pas mbylljes së emisionit “Njerëz të humbur’.
Ajo ka treguar për Dosja se emisionin e mbyllën ata që i cënonte direkt apo indirekt transmetimi i një emisioni të tillë, i cili trajtonte histori nga më të ndryshmet. Ajo shprehet se është kërcënuar në forma dhe mënyra të ndryshme që të hiqte dorë nga kërkimi i njerëzve të humbur, por thotë se është bërë immune ndaj armiqve.
“Fatkeqësisht në Shqipëri gjërat me vlerë mbyllen, ndërpriten apo zhduken… Emisioni u mbyll në 2014. E mbyllën ata që ndoshta i cënonte direkt apo indirekt transmetimi i një emisioni të tillë, i cili trajtonte histori nga më të ndryshmet, investigonte në detaje, por që në thelb ju shërbente drejtpërsëdrejti njerëzve.
Mënyra si e mbyllën, kërcënimet që më kanë bërë personalisht vazhdimisht në shumë forma e mënyra, ishte shumë degraduese për ata dhe jo për mua, sepse unë besoj dhe do të besoj në vlera dhe drejtësi derisa të kem jetë. Këto janë parimet që më kanë mësuar prindërit dhe gjyshërit e mi që në vogëli”, shprehet Shtino.
Ajo ka treguar më tej se armiq ka pasur gjithmonë dhe sipas saj janë ende sot duke e përndjekur edhe pse nuk është në ekran.
“shtë një fjalë e urtë që thotë populli sa më e madhe të jetë anija aq më të mëdha janë dallgët. Pra sa më lart të ngrihesh aq më shumë armiq ke. Nuk njoh asnjë njeri që s’ka armiq, pra sigurisht edhe unë kam e që ndoshta më ‘përndjekin’ akoma , por unë jam bërë imun ndaj tyre, sepse nga natyra kam karakter shumë të fortë dhe injoroj çdo përpjekje të tyre negative ndaj meje.”, thotë Aida. /Sot News/
