Kryebashkiaku Erion Veliaj ka deklaruar sot se Teatri i Ri Kombëtar do jetë më moderni në Europë. Gjatë ceremonisë së organizuar nga Bashkia e Tiranës për çmimin e marrë në Barcelonë për sheshin “Skënderbej”, i cili u vlerësua si sheshi më i bukur në Europë.
Veliaj tha se Teatri i Ri do jetë në të njëjtin vend ku ndodhet sot ndërtesa e vjetër.
Do kemi Teatrin më të bukur në Bashkimin Europian, ku bëhet art në kushte moderne. Kemi pasur një diskutim të gjatë me arkitektin dhe shqiptarët panë dje të gjitha argumentet për atë që ka nenojë Teatri, për kushtet, higjienën, mbrojtjen nga zjarri. S’mund të rikonstruktojmë diçka që s’është bërë për atë qëllim.
Të flasim dhe gjykojmë. Si mrekullia e stadiumit, të kemi një tjetër xhevahir në Tiranë, që quhet Teatri Kombëtar, për t’u siguruar një Teatër modern qytetarëve në zemër të Tiranë, përbri sheshit “Skënderbej”.
Duke iu referuar çmimit të marrë në Barcelonë, Veliaj falënderoi punonjësit e Bashkisë dhe kryeministrin Edi Rama për punën e bërë për ndërtimin e sheshit.
Në finale ishim me Amsterdamin, Barcelonës, Ukrainën dhe Finlandën. Mes 279 projekteve fituam. Sot mund të ulim armën dhe të themi që jemi krenarë për vlerësimin që morëm. Nga rrethrrotullimi më i madh në Ballkan, nga një situatë ku kishim 150 mijë makina, sot janë 150 mijë njerëz në ditë që e kthejnë sheshin në hapësirën pedonale më të madhe në Ballkan.
Një gjë që kemi mësuar unë dhe Edi nga shoku Gramoz është që të mos fillojmë nga emrat se do ngelen shumë njerëz pa falënderuar. Një nga gjërat që vlerësoi juria ishte ndryshimi i qëndrimeve dhe i vlerave që gjithësecili ka, nuk u vlerësua vetëm infrastruktura.
Piramida
“Një kompani serioze ka marrë përsipër rikonstruksionin. Sot do ta kthejmë në hapësirën më të bukur, jo vetëm estetikisht. Edhe Piramida do jetë një tjetër stoli”.
Përmbytjet
Kryebashkiaku Veliaj foli edhë për përmbytjet që prekën qytetin e Tiranës dy ditë më parë.
Pak ditë më parë kishim përmbytje në Tiranë, ranë 62 milimetra shi, aq sa bien për tre muaj. Një nga qindra rrufetë që godën tiranën, goditi edhe sahatin. është punuar gjithë natën. Jetojmë në një kohë ndryshimet klimaterike.
