Shpërthimi i nëndetëses “Titan” ka qenë kryefjalë e mediave, ditën e fundit, ku për rrjedhojë humbën jetën 5 persona.
Në rrjetin social TikTok është publikuar një video e cila ka ndërtuar një skemë se si ka ndodhur shpërthimi.
Sipas krijuesve të videos së shpërthimit, ajri në nëndetëse ka arritur temperaturat që mbizotërojnë në sipërfaqen e Diellit, ndërsa guaska e Titanit shndërrohet në mbeturinë në vetëm 30 milisekonda.
Nëndetësja Titan u nis në orën 8 të mëngjesit të së dielës. Po atë pasdite doli njoftimi se nuk ishte kthyer ende nga një udhëtim, që nuk duhet të zgjaste më shumë se dy orë, për të parë mbetjet e anijes oqeanike Titanikut, që ndodhen në fund të Atlantikut, rreth 700 kilometra në jug të qytetit St. John të ishullit Newfoundland të Kanadasë.
Të enjten, roja bregdetare amerikane njoftoi se ishin gjetur mbetje të nëndetëses në fund të oqeanit. Autoritetet thanë se të pesë personat në bordin e saj kishin humbur jetën pas një shpërthimi të brendshëm.
Nga kjo ngjarje humbën jetën miliarderi britanik Hamish Harting, eksploruesi francez Pierre-Henri Narzolet, manjati pakistanez Shahzada Dawood, djali i tij 19-vjeçar Suleman dhe CEO Stockton Rush Oceangate. Raportohet se secili prej tyre ka paguar 250 mijë euro për të qenë në bord.
