Politika shqiptare do të duhet të presë mesin e muajit dhjetor për të mësuar opinionin e Komisionit të Venecias mbi kërkesën e opozitës për Vetting-un në politikë. Komisioni i Venecias u përgjigjën duke theksuar se tashmë janë përcaktuar datat kur do të diskutohet dokumenti, i cili vlerësohet thelbësor për vendimmarrjen politike në Tiranë.
“Opinioni është pjesë e agjendës së sesionit plenar të Komisionit të Venecias, i cili do të mbahet në Venecia më 14 dhe 15 Dhjetor 2018”
Por më parë Komisioni i Venecias do të duhet të dëgjojë palët e interesuara në proces. Kësisoj, një përfaqësi e këtij institucioni do të vizitojë Tiranën fillim javën e ardhshme, kur do të zhvillojë takime me përfaqësues të autoriteteve shqiptare, shoqërinë civile dhe përfaqësues të organizatave ndërkombëtare.
