Gjatë një takimi në Elbasan, kryetari i Partisë Demokratike, Sali Berisha, ka pranuar tërthorazi se nuk i është kthyer betejave politike për të fituar, apo për të ardhur në pushtet
“Në këtë moshë nuk ka ambicie pushteti,” tha Berisha, ndërsa shtoi se ka vendosur të luftojë vetëm për të mbrojtur vlerat e opozitës.
Duke hequr çdo dyshim që mund të kishte ndokush për ndonjë ambicie personale, Berisha theksoi se ka hyrë sërish në betejë vetëm për të “mbrojtur vlerat e opozitës”. Jo për të fituar, jo për të sjellë ndonjë ndryshim real, por për të mbajtur timonin – ose më saktë, monopolin – e anijes opozitare që po rrotullohet në vend.
Në fund të ditës, mesa duket, nuk jemi përballë ndonjë alternative qeverisjeje, por një dëshire për të ruajtur kontrollin mbi opozitën. Sepse Berisha nuk kërkon të fitojë zgjedhje, ai kërkon të fitojë opozitën. Dhe për këtë, nuk i duhen votat.
