Qytete turistike si Barcelona, Venecia dhe Palma e Majorka po përballen me protesta të reja nga banorët vendas, të cilët thonë se janë lodhur nga pasojat e turizmit masiv.
Protestuesit akuzojnë fluksin e madh të vizitorëve se po e bën të pamundur jetesën normale, duke pushtuar rrugët, duke rritur çmimet e qirave dhe duke i detyruar shumë familje të largohen nga lagjet e tyre.
Në Venecia është vendosur tashmë një tarifë ditore për vizitorët që qëndrojnë vetëm një ditë, si dhe kufizime për grupet turistike dhe ndalimi i megafonëve në zonat historike. Masa të ngjashme po kërkohen edhe në Palma dhe qytete të tjera spanjolle.
Banorët theksojnë se nuk janë kundër turizmit, por kundër transformimit të qyteteve të tyre në skena për vizitorët, ku komunitetet lokale humbasin hapësirën dhe dyqanet tradicionale zhduken./ TemA
