Ish-deputetja e PL, Monika Kryemadhi u paraqit sot në SPAK, në zbatim të masës detyrim paraqitjeje për dosjen e lobimit të LSI në SHBA dhe aferën CEZ-DIA.
Në fund të bisedës me gazetarët, Kryemadhi u shpreh se nuk do të shkojë më në Prokurorinë e Posaçme.
“Unë nuk vij mo…Më thanë mos hajde mo se kush të duron ty…”, tha Kryemadhi me batutë.
Në fillim të gushtit, SPAK i komunikoi zyrtarisht Ilir Metës, Monika Kryemadhit dhe të pandehurve të tjerë mbylljen e hetimeve. Meta së bashku me ish-bashkëshorten e tij Monika Kryemadhi akuzohen për korrupsion, pastrim parash dhe fshehje pasurie, për çështjet që kanë të bëjnë me dosjen e lobimit të LSI në SHBA dhe aferën CEZ-DIA.
