Deputetja dhe Drejtuesja Politike e Qarkut Lezhë, Lindita Nikolla flet mbi frytet e reja të projektit ambicioz, “Lezha që duam”.
Sipas Nikollës Lezha ka parë një zhvillim të madh nën qeverisjen Rama. Nikolla dha lajmin e mirë se së shpejti nis ndërtimi i rrugës së Torovicës.
Një ambicie e përmbushur brenda pesë viteve të para të qeverisjes për “Lezhën që duam” dhe një rrugëtim që vazhdon për të transformuar jetesën e komuniteteve të tëra në qarkun e Lezhës. Kështu i ka përshkruar nga studio e ERTV, angazhimet politike dhe qeverisëse, drejtuesja politike e qarkut Lezhë për Partinë Socialiste, deputetja Lindita Nikolla, ndërsa ka bërë edhe një pasqyrim të projekteve aktuale që dëshmojnë vëmendjen e plotë të qeverisë Rama në të gjithë zonën e Lezhës.
Në planin infrastrukturor, Nikolla veçoi dy premtime të mbajtura të vetë Kryeministrit Rama, rruga e Torovicës, për të cilën është gati tahsmë projekti dhe shumë shpejt fillon ndërtimi; si dhe rruga Shëngjin – Velipojë, një investim madhor për ta kthyer potencialin turistik që Lezha ka, në një potencial zhvilimi. Përfaqësuesja e Lezhës në Kuvendin e Shqipërisë veçoi gjithashtu edhe Unazën e Re të Rrëshenit, punimet e shumta për rikonstruksionet e shkollave në qark dhe ato për pallatin e ri të sporteve në Rrëshen.
Shumë shpejt, njoftoi Nikolla, do të nisë ndërtimi i rrjetit të furnizmit me ujë të pijshëm për qytetin e Rrëshenit, një kërkesë e hershme e banorëve të kësaj zone. Në kuadër të programit kombëtar të rindërtimit të qëndrave shëndetësore është rindërtuar qëndra shëndetësore në Tresh të Lezhës, por lajmi i mirë për banorët e Lezhës është që edhe në spitalin e Lezhës, do të ketë një investim në buxhetin e ardhshëm, një investim madhor për të mundësuar shërbime të reja dhe me standarde të mira spitalore.
Nikolla vlerësoi edhe impaktin që pritet të ketë projekti 100 Fshatrat për qarkun, nga i cili janë përfshirë 5 fshatra të Lezhës, mes tyre edhe fshati i Fishtës, ku nuk mungojnë modelet e suksesit të vendasve që janë kthyer nga emigrimi për të hapur sipërmarrjet e tyre të suksesshme në fushën e agroturizmit.
Deputetja theksoi se falë politikave mbështetëse dhe lehtësirave fiskale të qeverisë për sektorin e turizmit, në Lezhë sot kemi jo vetëm rritje të turistëve por edhe investime të shumë operatorëve turistikë, duke përmirësuar shërbimet dhe rritur punësimet në zonë.
Duke vlerësuar modelin e bashkisë Mirditë si një model zhvillimi me në qendër qytetarin, Nikolla shprehu bindjen dhe sigurinë e saj se shumë shpejt socialistët do të fitojnë edhe bashkinë e Lezhës, për t’i dhënë edhe asaj fytyrën e bashkisë që duan qytetarët, pasi tashmë partia socialiste është në një komunikim intensiv me çdo komunitet.
“Ajo që është e rëndësishme është që banorët e Lezhës kanë dëshirën të flasin me ne, e dinë se me ne, mund të bëhet edhe më mirë, edhe më shumë, janë të qartë që zgjedhja e punës dhe jo e fjalëve është ajo që ndryshon realitetin për ta dhe fëmijët e tyre”, deklaroi drejtuesja politike e qarkut Lezhë. Nikolla pati edhe një mesazh për kreun e opozitës Lulzim Basha, që disa ditë më parë, ishte në Lezhë, duke nxirrë sipas saj, realitetin e vendit.
“E rëndësishme është që ne jemi të fokusuar te çështjet, te puna, vullneti është për të folur gjithmonë me punë, ndryshe nga sa bëjnë kundërshtarët tanë. Para disa ditësh ishte kryetari i opozitës në Lezhë dhe fliste vetëm zi, zi, zi, me tone të forta të gjuhës së urrejtjes. Ajo që jemi duke bërë është që jemi fokusuar te kontaktet me njerëzit, për të parë sa dhe si po performojnë pushteti vendor dhe ekipet qëndrore. Opozita derë më derë për të nxirrë realitete, thirrje për protesta, po kur të humbin në Qershor do ta shohin. Ne do fitojmë, jam e sigurt se kemi ndezur motorrët, po flasim me qytetarët për ato që kemi bërë dhe që duam të bëjmë”, tha Nikolla.
Gjatë ditës së sotme në Lezhë është ndalur edhe Kryeministri Rama në kuadër të turit “Për bashkinë që duam” nga ku e cilësoi komunikimin me qytetarët pjesë të pandashme të procesit qeverisës.
Postimi
Deputetja dhe Drejtuesja Politike e Qarkut Lezhë, Lindita Nikolla, mbi frytet e reja të projektit ambicioz, “Lezha që duam”, përmes të cilit qarku ka pësuar dhe po pëson një zhvillim të paimagjinuar kurrë më parë, nga ata që sot e gjithë ditën këndojnë këngën e vajit.
Lodhen kot në fakt, sepse asgjë nuk mund të na ndalë në rrugën e nisur të transformimit, për të bërë shumë më shumë për qarkun, si dhe për t’i dhënë shumë shpejt Bashkisë Lezhë, modelin e bashkisë që duam.
