Një ngjarje e rëndë ka tronditur botën e artit së fundmi.
Sipas raportimit të mediave të huaja bëhet me dije se reperi amerikano-jugor, Costa Titch, është rrëzuar në skenë teksa këndonte dhe ka gjetur vdekjen e menjëhershme. Lajmin e trishtë e njoftoi familja e 28-vjeçarit në Instagram.
“Vdekja ka trokitur tragjikisht në derën tonë. Ajo na vodhi djalin, vëllanë dhe nipin tonë të dashur”, thuhej në postim. Ndërkohë, nuk është zbuluar ende shkaku i vdekjes.
Sakaq, videot e publikuara në rrjetet sociale tregojnë momentin kur reperi bie në skenë dhe dikush e ngre atë. Qëndron në këmbë për disa sekonda dhe më pas rrëzohet.
Organizatorët e festivalit ku ai po performonte, Ultra South Africa, thanë se ishin “të shkatërruar” nga vdekja e reperit të ri.
Karriera e tij pati një rritje të shpejtë. Kënga ‘Big Flexa’ e bëri atë një yll në të gjithë Afrikën pas suksesit në TikTok.
<iframe width=”835″ height=”315″ src=”https://www.youtube.com/embed/aaHpVe30RRw” title=”RIP: Costa Titch fainted on stage and died #RIPCostaTitch soja? #tkoa #thekingofamapiano #amapiano” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” allowfullscreen></iframe>
