Këngëtari i njohur i hiteve “Qike qike”, “Ani ani loqka jeme”, Labinot Tahiri, ditën e sotme i ka prekur të gjithë ndjekësit me një video të publikuar në profilin e tij në Instagram.
Labinoti ka shkuar të surprizojë motrën e tij në aeroport, e cila ishte kthyer në vendlindje pas 20 vitesh mërgim në Gjermani. Ai është takuar i përmalluar me motrën dhe dy nipat dhe videon e ka shoqëruar me disa fjalë shumë prekëse, duke marrë menjëherë komente nga fansat.
“Surpriza për motrën time dhe nipërit e mi në aeroport!
Kur motrën e vëllain i ndan kurbeti! Tash e 20 vjet motra ime jeton në Gjermani, dhe sot ajo ka gjetur kohën që të vijë në pushime te familja e saj!
Por, kur unë gjej kohë për shumë njerëz, vendosa që t’ia bëj surprize me prezencen time duke e pritur në aeroport, derisa plani ishte që të vijë vëllai Miloti pēr ta pritur në aeroport.
Sikurse unë, po ashtu edhe motra Saranda, i kemi përjetuar koherat e rënda, prandaj ndjej mall dhe dhimbje për të. Digju vëlla për motrën, se ajo digjet gjithë jetën për ty.
I pa ndryshuar kurrë për motrën, Labi. Mirësevini mërgimtarë.”- shkroi këngëtari në postim.
