Ashtu si zakonisht, kryeministri Edi Rama ka tërhequr sërish vëmendje me veshjen e tij. Këtë radhë, Rama ka rënë në sy në Samitin e Ballkanit në Londër, aty ku u shfaq me atlete të bardha mes liderëve të Europës dhe Ballkanit Perëndimor.
Në fund të samitit, të gjithë liderët realizuan një foto zyrtare së bashku, e cila ka tërhequr jo pak vëmendje. Ka qenë prestigjiozja BBC, që ka shpërndarë në ‘Twitter’ një video-lajm, ku bën dhe një përshkrim tipik për kryeministrin Rama.
BBC e quan foton zyrtare të liderëve tradicionale, por veçon atletet e Ramës, duke i quajtur ato aspak tradicionale.
