Një dyqan në Leicester është shkatërruar plotësisht nga një shpërthim zjarri masiv. Shërbimet e emergjencës kanë nxituar për të mbërritur në vendngjarje.
Policia e Leicester ka shkruar: “Ka ndodhur një incident i madh në Hinckley Road, Leicester. Të gjitha shërbimet emergjente aktualisht po merren me këtë. Rruga Carlisle dhe një pjesë e rrugës Hinckley janë bllokuar. Ju lutemi të shmangni qarkullimin në atë zonë.
Shkaku i shpërthimit është i paqartë por përmasa e incidentit është e madhe, shkruan Shqiptarja.com. Sipas njoftimeve, shpërthimi ndodhi në Western Park Store, në një dyqan Londis që ndodhej përballë me një stacion autobusi. Dyqani është shkatërruar plotësisht pasi është përfshirë i gjithi në flakë.
Për shkakun nuk ka shumë detaje, veç spekulime për një shpërthim gazi – ndoshta disa të lënduar, asgjë nuk është e konfirmuar. Dyshohet se ka viktima.
Video:
