Një vlerësim i madh është bërë për ndeshjen e Shqipërisë ndaj Islandës. Ndryshe nga më parë kur kuqezinjtë arbitroheshin nga “dora e dytë”, tanimë kemi gjyqtarët më të njohur. Në transfertën e parë të Ligës së Kombeve, do të jetë arbitër kryesor Craig Pawson.
43-vjeçari është pjesë e Premier League dhe së fundmi ishte kryesor në finalen e FA CUP mes Chelsea dhe Liverpool. Një zgjedhje e tillë nga UEFA i shkon për shtat ndeshjes duke parë se të dy Kombëtaret preferojnë lojën e fortë dhe arbitri anglez është mësuar jo pak me një mënyrë të tillë.
