Policia ka arrestuar një të dyshuar për vrasjen e Caroline Crouch, nënës 20-vjeçare britanike, gjatë vjedhjes së shtëpisë së saj në Athinë të Greqisë, në orët e para të mëngjesit, ndërsa ishte me bashkëshortin dhe vajzën e saj 11 muajshe.
Sipas The Mirror, grabitësit e pamëshirshëm gjithashtu lidhën burrin e saj Charalambos Anagnostopoulos dhe e kërcënuan duke i mbajtur armën në kokë vajzës së tyre Lydia.
Mediat lokale kanë raportuar se një burrë nga Gjeorgjia është arrestuar në kufirin me Bullgarinë. I dyshuari u përpoq të udhëtonte nga Greqia në Bullgari me makinë, duke përdorur një pasaportë të rreme.
Akoma nuk i është bërë i ditur identiteti por kishte lidhje me një vjedhje tjetër në një shtëpi afër vendit ku u vra Caroline.
Një burim policor tha se analiza e ADN-së, sugjeroi që ai ishte i përfshirë në vjedhjen e një çifti të moshuarish në 7 Mars.
