Ndryshe nga viktima Suzana Shemuni, e cila u vra nga bashkëshorti i saj Bashkim Teli, për autorin e ngjarjes i cili ndodhet në paraburgim, nuk ka ardhur asnjë prej familjarëve. Dy vajzat e tij mësohet se vijojnë që të jenë në Tiranë atje ku jetojnë prej vitesh. Ata edhe më përpara nuk kanë patur kontakt me babain e tyre për shkak se nuk janë ndjerë mirë për martesën e dytë me Suzanën.
Gruaja e parë e Bashkimit është ndarë nga jeta dhe së bashku kanë dy vajza. Para tre vitesh, Bashkim Teli krijoi një lidhje të re edhe pse në moshë të thyer me Suzana Shemunin. Kjo e fundit mësohet se ka 6 fëmijë që jetojnë në Itali nga disa martesa të tjera që ka patur më përpara.
Tashmë pritet që Bashkimi të dalë përpara gjykatës së Shkodrës për t’u njohur me masën e sigurisë dhe për të parë se cila do të jetë dëshmia e tij përpara trupit gjykues. Ngjarja e rëndë tronditi dje opinionin publik. Fqinjët një pjesë e njihnin çiftin në fjalë të qetë e pa probleme, ndërsa disa të tjerë si një çift problematik.
Policia vijon hetimet për zbardhjen e plotë të kësaj vrasje makabre. Pas ngjarjes Bashkim Teli tha, se e ka vrarë gruan e tij, duke pranuar krimin, për shkak se i ka kërkuar paratë e pensionit. Debati mes tyre ka përfunduar me ngjarjen e rëndë./ShkodraNews
