Presidenti i Serbisë, Aleksandar Vuçiç, ka publikuar në rrjetin e tij social një foto me kryeministrin e Kosovës Albin Kurti.
Vuçiç ka falënderuar organizatorët gjermanë për takimet e së mërkurës në Berlin, teksa falënderimin e ka përcjellë edhe me një foto krah për krah me kryeministrin e Kosovës, Albin Kurti.
Vuçiçi ka postuar një foto në Tëitter, ku ai shihet në mes. Në krahun e tij të djathtë është Albin Kurti e më pas vjen emisari i BE-së për dialogun, Miroslav Lajçak. Në foto janë edhe dy zyrtarë gjermanë.
“Faleminderit organizatorëve gjermanë për organizimin e dialogut mes Beogradit e Prishtinës”, ka shkruar Vuçiçi.
Gjatë ditës së mërkurë, kancelari gjerman Olaf Scholz priti ndaras Kurtin dhe Vuçiçin. Në orët e mbrëmjes, takime me ta zhvilloi edhe Miroslav Lajçaku.
