“Z.Rama është treguar i pamatur. Ai tregon përçmim për rregullat lidhur me çështjet e minoritet grek dhe marrëdhëniet e tij me greqinë”
Ka qënë ky statusi në rrjetet sociale i zëdhënësit të PASOK, Pavlos Christidis në lidhje me replikën e Kryeministrit Rama ndaj çështjes së arrestimit të 12 personave që protestuan në Bularat gjatë ceromonisë mortore të Kacifas.
“Kush erdhi për të provokuar, turpëroi veten, flamurin e tij dhe iku”, shkruan kreu i ekzekutivit në facebook, ku ndër të tjerat shprehet se “çdo vend ka taksiratin të ketë derrat dhe gomerët e vetë”
Ka qënë pikërisht fjalia e fundit e kësaj replike e cila është keqinterpetuar nga mediat greke dhe partitë për të përfituar kredite politike.
Zëdhënësi i PASOK shprehet gjithashtu se “Është e domosdoshme që qeveria greke të bëjë të qartë se nuk ka ndërmend të tolerojë sjellje të tilla”.
Pas këtij statusi të Christidis, një lumë akuzash ka mbërritur nga qytetarët grekë në drejtim të tij, duke mbështetur plotësisht Kryeministrin Rama.
Shume qytetarë grekë shprehen se deklarata të pamatura janë ato që bëjnë partitë greke për përfitimet e veta dhe jo zoti Rama.
Ndërsa të tjerë përkrahin Ramën dhe policinë për arrestimin e këtyre 12 personave pasi ata janë turp për greqinë.
Replikat:
Qytetari 1: “E lexove çfarë tha apo e dëgjove në Tv?”
Qytetari 2: “Ndalimi i hyrjes së ketyre personave në Shqipëri dhe përdorimi i armëve nuk është çështjeve të drejtave të minoritet grek.Nëse tek ju fjalmujt i ‘merr era’, në shtet e tjera kjo nuk ndodh.”
Qytetari 3: “Ku u tregua i pamatur Z.Rama? Si mund të tregojë përçmim për komunitetin grek kur ai e përshkruan me fjalët më të mira?!”
Qytetari 4: “Të bëhemi pak serioz, Rama ishte serioz, foli me tone të qeta, dhe pajtues në ato që tha.”/Lexo.al
