Dekreti i Presidentit për shtyrjen e zgjedhjeve në 13 tetor duket se po shkakton përplasje të forta brenda opozitës. Teksa Meta priste që të gjithë të bëheshin kundër qeverisë, nuk gjeti gatishmërinë e duhur nga lideri demokrat Lulzim Basha. Ditët e fundit po tregohet qartë se e vetmja parti që mbështet presidentin është ajo e bashkëshortes së tij Monika Kryemadhi.
Pak ditë më parë nënkryetari i partisë Vasili akuzoi drejtpërdrejtë Bashën se ishte bashkëpunëtor me Ramën në refuzimin e 13 tetorit. Ditën e djeshme një goditje të fortë për PD ka dhënë dhe ish-deputeti Përparim Spahiu. Duke përmendur gjetjet e raportit të Koalicionit për Reforma, Integrim dhe Institucione të Konsoliduara (KRIIK), ai ka deklaruar se 13 tetori është shansi i vetëm për rikthimin e demokracisë në vend. Por mesazhi i Spahiut duket se është në veçanti për PD-në, pasi shprehet se 13 tetorin duhet ta njohin të gjitha palët. “Siç shihet raporti pasqyron një situatë shumë të rëndë pas votimeve të 30 qershorit, por unë besoj fort që jemi të gjithë në kohë për të reflektuar, sidomos shumica (kjo e fundit e dalë e tillë po nga zgjedhje anormale dhe tëgrabitura të vitit 2017) të ndalojmë një dëm të pallogaritshëm për demokracinë në Shqipëri. 30 qershorin ta lëmë thjesht një ngjarje për tu studiuar dhe për të mos u përsëritur më. Pamundësia e zgjidhjes në kohë, me argumente kushtetues, të situatës së krijuar, duhet të na udhëheqë në një angazhim konstruktiv të të gjithë faktorëve politikë në vend për realizimin e zgjedhjeve të 13 tetorit. Kjo do të krijonte vërtet shanse të mëdha për hapjen e negociatave, vendim që do të merret vetëm pesë ditë më vonë”, ka deklaruar dje Spahiu.
Reagon Vasili: Një mesazh në drejtim të PD ka dërguar dhe Petrit Vaisli. Në një intervistë televizive, ai sërish është shprehur se 13 tetori është një datë legjitime që duhet të mbështetet nga të gjithë. “Se kemi problem Edi Ramën, por detyrimi ndaj shqiptarëve, por edhe para botës është të zhvillojmë zgjedhje me standarde sa më të larta, pasi zgjedhjet pa standarde jo vetëm nuk prodhojnë rezultate të vërteta, por prodhojnë edhe konflikt më të madh sesa me parë… Zgjedhjet kanë një stacion kushtetues, kushdo që atakon 13 tetorin nga institucionet shtetërore, KQZ etj, është në konflikt të egër me ligjin dhe do përgjigjet rreptë penalisht se kanë zgjedhur të jenë kamikazë. Ne si opozitëkemi përgjegjësinë tëbëjmë presion me gjithë format demokratike qëkriza tëmos shtyhet më tej në kohë”, ka deklaruar dje Vasili.
Basha rrëzon planet e Metës LSI dhe presidenti Ilir Meta ditët e fundit kanë rritur ndjeshëm presionet ndaj Partisë Demokratike pasi kërkojnë protesta të dhunshme në shtator. Vetë Basha ka deklaruar se do të ketë protesta, por nuk ka folur për mosbindje civile edhe tensione. Sipas burimeve plani i presidentit dhe LSI është që të përdorin 13 tetorin si justifikim për nisjen e protestave. Por PD e ka refuzuar këtë datë, duke rrëzuar kështu planet e presidentit Meta. Deri më tani PD po refuzon hapur 13 tetorin duke lënë në baltë LSI. Ndërkohë, ish-deputetët e LSI çdo ditë po kërkojnë që të mbështetet kjo datë, e cila mund të përdoret si pretekst për protesta e revolta./Arbjona ÇIBUKU
