Edvin Kulluri/
Te dashur miq, dy fjale per qendrimet i mia politike dhe disa kolegeve!
Dy vitet e fundit te pas zgjedhjeve te vitit 2017, pra mandati i dyte I “Rilindjes” ne thelb nuk ka sjelle asgje te re! Pervec sistemimit estetik te qendres se disa fshatrave dhe qyteteve, nuk ka asgje te cilen Rama mund te ofroje si arritje! Cenimi perfundimtar i prones private permes Ligjit te Pronave dhe atij Per Korporatat dhe sjelljes arbitrare ne rastet e shpronesimeve, rendi publik i cenuar rende, kontratat korruptive te ashtuquajturave “koncensione”, degradimi progresiv i shendetesise dhe arsimit, varferimi i shtreses se mesme dhe biznesit prodhues, dobesimi i ekonomise ne fshat, rritja galopante e borxhit publik, mungesa thuajse totale e investimeve te huaja, promovimi ne administrate dhe PS i njerezve me te shkuar kriminale, presioni i vazhdueshem ndaj medias dhe politike e jashmte pa busull, nuk perbejne asgje te re! Disa prej nga keto sjelle jane perkeqesuar e disa jane zbehur, por ne thelb qendrojne si ne mandatin e pare te Rilindjes. Perseritja cdo dite e tyre nuk e dobeson dot me tej perceptimin negativ te qytetareve per kete mazhorance.
Per kete arsye kemi nje qeverisje ne krize te plote dhe te pakthyeshme! Por kjo eshte vetem gjysma e “tablose politike” per shkak se perballe kesaj mazhorance qendron tashme nje jo-opozite institucionale dhe thelbesisht jo-alternative e ketij pushteti. Tre fajet e opozites ne 2017, marreveshja jo transparente Rama-Basha, fushata elektorale e orientuar kunder LSI dhe PDIU dhe jo ndaj Rilindjes dhe lista anti-demokratike e deputeteve i dhane opozites nje goditje elektorale te paprecedente ne 25 qershor 2017! Po te shtojme dhe deshtimin e qarte te “djegies se mandateve” dhe bojkotit te zgjedhjeve lokale, eshte e qarte se lidershipi i PD ka deshtuar ne te gjithe objektivat e veta politike. Pra opozita nuk perfaqeson prej dy vitesh nje alternative qeverisjeje. Mungesa e nje oferte te besueshme dhe njerezve te motivuar per shkak te drejtimit arbitrar e kane vene opoziten ne nje pozite morale te pabesueshmerise. Mosbesim te qytetareve ndaj nje modeli qe nuk ngjall shprese!
Une nuk di asnje menyre tjeter per te zevendesuar nje mazhorance ne fuqi me nje mazhorance tjeter nese kjo e dyta, pra opozita nuk eshte alternative me e mire dhe me bindese. Ndaj e kam konsideruar dhe konsideroj krizen e pergjithshme dhe te rende politike te vendit, tashme si pasoje e sjelljes se opozites. Kjo eshte e verteta tashme e provuar prej 2 vitesh. Mund te kisha zgjedhur te beja kompromis kunder moralit tim dhe shume demokrateve me Lulzim Bashen, por nuk e beja dhe nuk e bej dot. Politika eshte moral dhe jo pazar. 400 mije votat e humbura prej 2013 duan pergjigje, duan zgjidhje, duan perfaqesim. Ashtu si dhe dhjetra mijera te tjera qe shkojne tek opozita megjithese jane te pakenaqur me kete lidership, por qendrojne per shkak te lidhjes se forte emocionale me Partine Demokratike.
Ndaj, vetem reformimi i thelle politik, organizativ, moral dhe ideologjik i Partise Demokratike eshte e vetmja rruge per te rrezuar Edi Ramen dhe Rilindjen e tij.
