Ilir Meta ia ka parë “hajrin” Presidencës, teksa në dy vite që është në krye të shtetit, nuk ka lënë cep të Shqipërisë, Kosovës e Malit të Zi pa shkelur me këmbë.
Turizmit presidencial ia është shtuar dhe eksplorimi nga ana e Metës e “trojeve” të bashkëshortes së tij Monika Kryemadhi. Dibër.
Nën shoqërinë e këshilltarëve të jashtëm të tij, Çlirim Pekës gazetarit të Berishës dhe aktorit të humorit dhe këngëtarit të tallavasë Bes Kallaku, Presidenti ka “mrizuar” në stanet e Kalasë së Dodës.
“Ne stanin e zotit Lita ne Korab 👍”, shkruan Meta në rrjetin social, ndërsa një ditë më parë kishte arritur majën e Korabit, bashkë me Çimin dhe Besin.
