Pas nisjes së vjeljes së taksës në rrugën e kombit, LSI e cila është një nga nismëtaret e këtij projekti me ministrat Haxhinasto e Dervishaj u ka bërë thirrje Shqiptarëve që mos ti paguajnë këto taksa.
Mirëpo jashtë kësaj hipokrizie dhe histerie partiake, nuk ka mundur të qëndrojë as ish-Ministri i Drejtësisë Ylli Manjani, i cili ka qënë funksionar i lartë gjatë vitit 2013 duke mbajtur postin e zv.Ministrit të Transporteve dhe Infrastukturës.
Por përtej histerisë kronike tanimë të LSI-së, i çuditshëm është fakti se si e “mbulojnë diellin me sitë” funksionarët e saj më të lartë. Më poshtë ju sjellim dy deklarata të Ylli Manjanit dhe “akrobacinë” e tij primitive duke kundërshtuar veten haptazi dhe duke e nxjerrë atë bllof para gjithë Shqiptarëve.
Manjani dje:
Sipas Manjanit, projekti i nisur nga qeveria “Berisha” ka nevojë ende për punime shtesë inxhiniereke, vlera e të cilave shkon në 200 milionë euro, po aq sa i mungojnë projektit të rrugës e për të cilat nuk ka dhënë kush hesap në drejtësinë shqiptare.
“Pra, Rruga e Kombit nuk ka përfunduar dhe që të përfundojë Rruga e Kombit duhen edhe të paktën 200 milionë euro të tjera, aq sa akuzohet z. Basha sot që i ka zhdukur. Po të mos i kishte zhdukur ato para do të kishte mbaruar ajo rrugë. Kjo është situata që duhet të sqarojmë, duhet ta dinë mirë të gjithë shqiptarët se kjo rruga që ka kushtuar shumë, madje shumë-shumë, dhe mirë është bërë që është bërë, nuk diskutohet kjo, duhet të kishte mbaruar, duke futur në lojë edhe ato 200 milionët që i zhduku z. Basha”
Manjani sot:
Juristi Ylli Manjani pohon se qytetarët ose shoqatat e konsumatorëve parimisht mund të ngrenë padi në lidhje me taksimin e shumëfishte. Mirëpo sipas tij, kjo padi nuk mund të shqyrtohet pasi vendi aktualisht është pa Gjykatë Kushtetuese.
“Siç e dini përfundimi i mandatit të 4 anëtarëve të Gjykatës Kushtetuese e ka lënë këtë gjykatë pa shumicë për të funksionuar. Ndaj pa zgjidhur këtë çështje nuk ka as gjykime. Por kjo nuk do të thotë që padia të mos ngrihet. Ajo mund të depozitohet dhe të presë plotësimin e vendeve në gjykate për tu shqyrtuar” , sqaroi zoti Manjani.
Zoti Manjani thotë se kjo çështje meriton një analizë dhe vlerësim të plotë nga pikëpamja e përputhshmërisë me kushtetutën.
Pas këtyre dy deklaratave të Yllit, shtrojmë pyetjen:
Cilin Yll duhet të besojmë?
