E hënë do të jetë vendimtare për Presidentin Ilir Meta. Teksa Komisioni Hetimor e ka thirrur atë të japë sqarime në mbledhje, në po të njëjtën ditë do të mbërrijnë në Tiranë edhe përfaqësues tëKomisionit të Venecias. Qëllimi i vizitës së këtij delegacioni është mbledhja e fakteve për shkeljet e pretenduara të Presidentit të Republikës, Ilir Meta, në vendimin për të anuluar 30 qershorin si datë për zgjedhjet lokale.
Sipas axhendës së siguruar nga gazeta, anëtarët e delegacionit do të takohen personalisht me presidentin Meta, i cili është subjekt i misionit tëtyre, për të vijuar më pas me takimet e tjera zyrtare. Ndërkohë, zyrtarët e tjerë që do të takohen me delegacionin e Komisionit të Venecias janë: Kryeparlamentari Gramoz Ruçi; përfaqësuesit e mazhorancës dhe opozitës në Parlament, përfshirë Komisionin e Posaçëm Hetimor, Ministrin e Brendshëm, përfaqësues të KQZ-së dhe kryetarin në detyrë të Gjykatës Kushtetuese.Mazhoranca po pret një përgjigje nga Komisioni i Venecias para se të vendosë për fatin e Presidentit, nëse duhet të qëndrojë në detyrë apo ta shkarkojë përshkelje të rëndë kushtetuese. Por gazeta kontaktoi me disa nga anëtarët socialistë tëKomisionit Hetimor, të cilët theksuan se mazhoranca do të vërë në dispozicion të Komisionit të Venecias provat dhe përgjigjet e administruara nga shtatë institucionet kundër Metës, në mënyrë që delegacioni ta ketë një panoramë të qartë tëshkeljeve të konsumuara nga kreu i shtetit dhe ta ketë më të lehtë për të dhënë opinion final për Presidentin. Megjithatë, sikundër theksuan anëtarët çdo gjë do të varet nga kërkesat që do të parashtrohen nga delegacioni i Venecias, të cilët nëse do tëbëjnë kërkesa të kësaj natyre, ata nuk do të ngurrojnë që t’ua ofrojnë në tryezë provat që kanë kundër Presidentit Ilir Meta.
Ja kush pritet të thirret për të dëshmuar
Por përveç opinionit të Komisionit të Venecias dhe dëshmisë së Presidentit Ilir Meta, i cili do të jetë para Komisionit Hetimor ditën e hënë, komisioni pritet qëtë bëjë edhe disa lëvizje të tjera përpara se të vendosë nëse do ta shkarkojë apo jo nga detyra kreun e shtetit. Gazeta ka mësuarse pas ballafaqimit me Metën, listës së dëshmitarëve pritet që t’i shtohen edhe persona të tjerë. Sipas informacioneve, mësohet se pjesë e listës së dëshmitarëve të jenë përfaqësues të Komisionit Qendror të Zgjedhjeve, kryetarët, sekretarët apo anëtarët të KZAZ-ve, sidomos ato të cilat ranë pre e sulmeve të protestuesve të opozitës, pas anulimit të zgjedhjeve të 30 qershorit nga kreu i shtetit; përfaqësues të Policisë së Shtetit dhe Ministrisë së Brendshme; përfaqësues të Autoritetit të Medias Audiovizive si dhe kryetar të partive politike që morën pjesë në zgjedhje. Po ashtu, të njëjtat burime theksuan për gazetën se në mbledhjet e tjera Komisioni Hetimor do të shqyrtojë një për një edhe të gjitha përgjigjet që shtatë institucionet i kanë kthyer komisionit. Megjithatë, mbetet për t’u parë në ditët në vijim se çfarë do të ndodhë më konkretisht.
Rigels Seliman
