Çështja e kopshtit botanik është kthyer në një mollë sherri mes Bashkisë së Tiranës dhe Universitetit të Tiranës.
Kreu i Bashkisë së Tiranës, Erion Veliaj ka sulmuar ashpër rektorin e Universitetit të Tiranës, Mynyr Koni.
Në mbledhjen e sotme të Këshillit Bashkiak po diskutohet çështja e Kopshtit Botanik, që i ka kaluar në pronësi bashkisë, ndërsa Universiteti i Tiranës e kundërshton një vendim të tillë.
Sakaq, Veliaj gjatë fjalës së tij u shpreh se Mynyr Koni mbledh 5 mijë lekshat e nuseve që bëjnë foto tek Kopshti Botanik.
“Që Mynyri të marrë 5 mijë lekshat e nuseve…Kam një pyetje kur u mblodh senati me të njëjtin zell për një shpikje të madhe që ka bërë shkenca, këta mblidhen vetën për pronat, për lekët e nuseve për fotografitë e nuseve të Kopshtit Botanik.
Jam takuar disa herë me Mynyrin, dekanin, ata do të kenë mundësi që të bëjnë eksperimente aty. Ne kaluam të njëjtën peripeci, u bëmë gaz i botës te Bujqësori.”, tha Veliaj.
