Alexander Soros, djali i filantropisit të njohur, themeluesit të Fondacionit të Shoqërisë së Hapur ka reaguar pas refuzimit që Shqipëria, por edhe Maqedonia e Veriut morën për negociatat në BE. Soros ka shkruar se Europa i paragjykon shqiptarët dhe se duhet të përballet me albanofobinë e saj.
‘Ekziston një paragjykim dhe fanatizëm të theksuar ndaj shqiptarëve etnikë në Evropën Perëndimore, i cili nuk duhet të nënvlerësohet në refuzimin e Shqipërisë dhe të Maqedonisë në Këshill. Europa duhet të përballet me Albanofobinë e saj!’- shkruan Soros në twitter.
Kujtojmë se Alex Soros vizitoi edhe gjatë muajit gusht Tiranën, ku ndër të tjera zhvilloi edhe një takim me kryeministrin Edi Rama.
