Yuri Kim, kandidatja amerikane për ambasadore në Tiranë, ka dalë sot përpara senatorëve me një deklaratë të fortë. Sipas saj, problemi dhe rreziku më i madh për Shqipërinë nuk paraqitet nga Rusia, por nga Kina.
Gjatë seancës në Komisionin për Politikën e Jashtme, Kim theksoi se Kina përbën problem në Shqipëri për shkak të investimeve dhe komplikimeve politike që ato mund të sjellin.
Yuri Kim u pyet nga senatorët edhe për muxhahedinët që jetojnë në Shqipëri.
Kemi punuar shumë afër me Qeveritë shqiptare, tha Kim, janë 3 mijë persona që jetojnë në periferi të kryeqytetit.
“Synimi ynë numër një është që ata të jenë të sigurtë, por edhe të integrohen në Shqipëri, si dhe të jenë qytetarë produktivë”, tha kandidatja për ambasadore.
