Ditën e sotme në Kuvend po debatohet lidhur me kandidaturat për Gjykatën e Lartë, për të cilat ka pasur një qëndrim të fortë publik dhe nga ana e presidentit.
Sipas Metës, Kuvendi nuk mund të votojë dy kandidatë njëherazi, dhe se KED ka vepruar në mënyrë të njëanshme, me vullnetin e kryetarit Ardian Dvorani, dhe jo të gjithë anëtarëve të saj.
Mes atyre që janë kundër zgjedhjes së dy anëtarëve të GJ.K, sot nga Kuvendi janë dhe deputetët e opozitës Rudina Hajdari dhe Ralf Gjoni, sipas të cilëve shqetësimet e presidentit duhet të merren në konsideratë.
“Të gjendet gjuha e përbashkët me Presidentin, të mos cënohet ngritja e Gjykatës Kushtetuese. Janë dy kandidatë të imponuar, të mos cënojmë integritetin e GJykatës Kushtetuese”, u shpreh Hajdari.
Po ashtu dhe deputeti Myslim Murrizi u shpreh kundër ngutjes për krijimin e Gjykatës së Kushtetuese, mirëpo Korab Lita, që ka me vete votat e disa anëtarëve të Kuvendit, tha se ai do të votojë pro.
“Pse po ngutemi për zgjedhjen e një anëtari të GJK. Ata që nuk fituan në Magjistratë kandidojnë për GJykatën Kushtetuese. Kush votoi reformën në drejtësi duhet të kishin menduar gjatë. Për të zgjedhur një gjyqtar të Kushtetueses. nuk duhet të veprojmë me ngut. Ata që shkruajnë F. Zyrtare punojnë tani dhe të dielën, Presidenti po tenton të ketë GJK sa më të pavarur”, u shpreh Murrizi.
“Çdo ditë që kalon, vonon zbatimin për Reformën në Drejtësi nuk duhet humbur asnjë ditë më shumë. Shqipëria është në emergjencë kombëtare, pa drejtësi. Një gjendje në fakt ka 30 vite që është ketu, prandaj këto vite keni për të penguar. Ju jeni kryesuesit e KÇK-së. Dita e gjykimit po vjen dhe nuk ka kthim, ju nuk po ju zë gjumi.
Prandaj edhe unë do e bashkoj votën time për ngritur sistemin e drejtësisë. Po me gjykatën e Lartë çpo bëhet? Me spak ç’po bëhet? Po përdoren çdo lloj mekaniza për të penguar çdo proces. Ata që katandisën këtë drejtësi në këtë vend nuk mund të bëjnë drejtësi. I vetmi falënderim i shkon vetëm ndërkombëtareve, kryesisht SHBA-së, se pa ta nuk do të kishim Reformë në Drejtësi.”, u shpreh Korab Lita.
Për të zgjedhur anëtarët e GJ.Kushtetuese do të duhet 84 vota, që duket se do të sigurohen përmes përçarjes së opozitës.
