Ish Kryetari i Komisionit të Posaçëm për Reformën në Sistemin e Drejtësisë, Fatmir Xhafaj,ka përshëndetur votimin e dy anëtareve të reja të Gjykatës Kushtetuese Elsa Toska dhe Fjona Papajorgji.
Përmes një postimi në rrjetin social Twitter, ai është shprehur se procesi ka qenë tërësisht kushtetues dhe i pandikuar politikisht.
“Urime Artës, Elsës dhe Fionës anëtareve të reja të Gjykatës Kushtetuese!
Janë aty në saj të një procesi tërësisht kushtetues e të pandikuar politikisht.
Integriteti dhe profesionalizmi i spikatur që mbartin ju dha atyre nderin dhe përgjegjësinë për të ushtruar këtë funksion të lartë publik”, nënvizon Xhafaj i cili shton se:
“Shpresëplotë se ato do të dinë të dëshmojnë objektivitet, paanshmëri dhe profesionalizëm në
vendimmarrje, në shërbim të ligjit dhe interesit qytetar!
Një hap tjetër pozitiv në çuarjen përpara të Reformës në drejtësi! Drejtësia e Re po krijohet.
Me vështirësi, me pengesa dhe goditje nga të gjitha anët. Gjithsesi po ecën përpara. Është koha e saj për tu ngritur, vepruar dhe gjykuar!”, shkruan Xhafaj.
