E ngarkuara me punë e SHBA-së, Leyla Moses-Ones, ambasadori i BE-së, Luigi Soreca, ai i Gjermanisë, Peter Zingraf, i Britanisë, Duncan Norman kanë mbërritur pasditen e sotme në selinë blu për të takuar kryeopozitarin Lulzim Basha.
Ndërkohë gazetari i Ora News, Everest Dedaj nga selia e PD raporton se ky ka qenë një takim i paracaktuar, ndonëse ka përkuar me një ditë aspak të qetë.
“Ka qenë një takim i paracaktuar edhe pse përkon me një sistuatë të keqe. Ky takim ka në fokus Reformën Zgjedhore. Në PD ka një muaj që është ngritur një grup pune. Këta amabasadorë i kanë bërë thirrje palëve politike të avancojën dhe të kryejnë një reformë të thellë zgjedhore. PD e ka konsideruar të rëndësishëm këtë proces. Reforma Zgjedhore është një rrugë e rëndësishme për zgjidhjen e krizës në vendin tonë. Kjo ndodh në një moment kur janë bërë më shumë se 9 muaj krizë politike”, raporton gazetari, Everest Dedaj.
Ndërsa e ngarkuara me punë e SHBA-së, Leyla Moses-Ones tha për mediat se “takimi ishte privat, nuk kam komente”.
