Tërmeti i 26 nëntorit ka vënë në lëvizje shumë shtete për të ndihmuar Shqipërinë dhe Shqiptarët në momentin e vështirë kur tërmeti I magnitutës 6.4 ballë righter goditi vendin.
Deri tani 49 viktima, mbi 750 të lënduar, dhe qindra objekte të shkatërruara. Përveç ndihmës që po vjen për shqiptarët nga vetë shqiptarët, në vend dhe nëpër botë, shumë shtete kanë ofruar ndihmën e tyre.
Nhihma e 12 shteteve deri tani:
Bullgaria – 100 mijë euro u alokuan nga qeveria bullgare për ndihmë humanitare në Shqipëri
Kroacia – Një skuadër kërkimi dhe shpëtimi e përbëre nga 15 anëtarë të Drejtorisë së Mbrojtjes Civile të Ministrisë së Brendshme dhe një skuadër kërkimi dhe shpëtimi qensh, plus dy helikopterë ushtarakë.
Franca – Tre skuadra që kanë në përbërje 100 efektivë që i përkasin Mbrojtjes Civile, Batalionit të Zjarrfikëseve të Marsejës dhe zjarrëfikës nga jugu I Francës. U dërguan me dy avionë francezë: një Beechcraft super king Air 200 për transport ndihme dhe një cargo Bombardier Dash.
Greqia – Dy njësi ekspertë tërmetesh EMAK (Njësia special për menaxhim fatkeqësish) që kanë 40 anëtarë dhe qen kërkim shpëtimi, makineri dhe një avion C-130 me ushqime.
Italia – Një njësi kërkim shpëtimi urbane nga National Girefinghters Corps që ka në përbërje më shumë se 20 specialistë të fushës në kërkime operacionale, asistencë mjeksore dhe inxhinierë. Shumë shpejt 200 vullnetarë të trajnuar nga Mbrojtja Civile.
Kosova – 500 mijë euro nga qeveria e Kosovës dhe gati 3.5 milionë euro nga popullsia e Kosovës. 110 operatorë të specializuar dhe 40 pjestarë të Forcave të Sigurisë së Kosovës të njësive të kërkimit dhe shpëtimit.
Maqedonia e Veriut – Ka dërguar ndihmë financiare sikurse edhe dronë me kamera për kërkimet e të mbijetuarve nën rrënoja. Skuadrat e shpëtimit janë në terren ashtu sikurse edhe pajisjet e pastrimit të rrënojave.
Rumania – Dy avionë Alenia C-27 J Spartan, një helicopter, kamionë sikurse edhe një total prej 52 zjarrfikësish IGSU si dhe doktorë dhe infermierë, plus 12 tonë material për kërkim dhe shpëtim duke përfshirë edhe qentë. Kisha Orthodokse rumune ka lancuar një fushatë mbledhjesh fondesh që në 26 nëntor.
Serbia – Një brigadë zjarrfikësish sikurse njerëz për ndihmën e parë
Zvicra – 15 specialistë të Njësisë së Ndihmës Humanitare Zvicerane
Turqia – Një avion Airbus Atlas me 28 persona të kërkim shpëtimit, tre makineri dhe një total prej 500 batanijesh dhe 500 pakosh me ushqime për viktimat e tërmetit.
Shtetet e Bashkuara të Amerikës – Një njësi personeli nga Mbështetja civilo-ushtarake e dislokuar në Kosovë mbërriti në Shqipëri.
