Ghada Arnaut (Xhada Arnauti) është një nga kandidatet për kryeministre të Libanit.
Ajo ka një biografi të pasur duke qenë emër i njohur në Liban dhe më gjerë në Lindjen e Mesme, ndërsa dekadave të fundit ishte larguar në azil në Kanada.
Xhada Arnauti është shkrimtare, drejtuese e mediave liberale dhe shkenctare në Universitetin e Albertas në Kanada.
Ajo konsiderohet si një zë i rëndësishëm kritik në mbrojtje të të drejtave të njeriut, për demokracinë dhe kundër qeverive të trashëguara diktatoriale.
Xhada Arnauti në një prononcim për INA ka konfirmuar se është propozuar për postin e kryeministrit pas tërheqjes së Sadi Haririt, i cili ka qenë një shënjestër të kritikave dhe sulmeve nga protestat që nuk po ndalen rrugëve të Libanit.
“Po është e vërtetë. Ditëve të ardhshme do të ju konfirmojë të ardhmen time se a do të jem kryeministre e Libanit”-theksoi për INA, Xhada Arnauti.
Ajo pranoi se ka origjinë të pastër shqiptare dhe se nuk heziton të flas për këtë, sepse nuk i ka harruar rrënjët që ka.
Kandidatura e saj është nominuar nga koalicioni i ri qeverisës dhe se ajo do të kthehet në Liban për të qeverisur të rinjtë që kanë pushtuar rrugët e Bejrutit.
Nuk është vetëm Xhada Arnaut që identifikohet me Libanin, pasi që ishte edhe Pashko Vasa guvernator i Libanit në periudhën e perandorisë osmane (1883-1892).
