Prokuroria ka dhënë pretencën për ish ligjvënësin Ervin Saliannji i cili akuzohet për fabrikimin e çështjes ”Babalja”, e cila trazoi jetën politike në vend.
Prokuroret që lexuan pretencën Genc Qano dhe Kolë Hysenaj, ndër të tjera kanë kërkuar sot 1 vit e 6 muaj burg për ish deputetin e PD.
“Të 4 të pandehurit kanë fabrikuar prova te rreme me qellim perfitimi financiar apo politik. Salianji i ka premtuar 200 mijë euro shtetasit A.Veliu, i ashtuquajturi “Babale”, nese i sjell nje rregjistrim qe penalizon vellain ish ministrit Fatmir Xhafaj.
I pandehuri Albert Veliu megjithese ka tentuar disa here, nuk ka mundur ta kontaktoj shtetasin Geron Xhafaj por se bashku me te pandehurin Fredi Alizoti kane sajuar nje audio rregjistrim ne te cilin ky i dyti ka imituar zerin e Xhafaj.
Ne kete perpjekje per te sajuar kete prove te rreme ata kanë bashkëpunuar edhe me struktura të tjera shtetërore përfshi ish Drejtuesin e prokurorisë së krimeve të rënda Besim Hajdarmataj dhe disa struktura të SHISH të imlikuara prej tij në këtë ngjarje.
Edhe pse ka mundur të mbështetet prej tyre ata nuk kanë arritur të sigurojnë asnjë lloj prove që implikonte vëllain e ish ministrit në trafik droge”, u tha ndër të tjera.
Kërkesa për dënimin e tij me 1 vit e gjashtë muaj burgim ishte e argumentuar dhe e mbështetur në prova, dëshmi dhe zbardhje të tabulateve telefonike.
Nga ana tjetër, Prokurori i çështjes, Kol Hysenaj ka kërkuar dënimin me 3 vite e 6 muaj burg për Albert Veliun, i cili akuzohet për ‘Kallëzim i rremë’ dhe ‘kalim të paligjshëm të kufirit’, ndërsa për Fredi Alizotit, 3 vite burg.
Ndërkohë për gazetarin Jetmir Olldashin 1 vit burg, dënim ky që të zëvendësohet me 200 orë pune publike të detyruara.
http://www.gazetatema.net/2019/12/10/dosja-e-plote-te-gjitha-faktet-qe-tradhtuan-skenarin-e-pd-se-per-te-tentuar-fundosjen-e-xhafajt-me-babalen-dhe-presioni-i-bashes-ndaj-trupes-gjykuese/
