Protesta e sotme para Kryeministrisë lajmëruar nga Goxhaj, duket se dështoi.
Rreth 100 pjesmarrës në protestë duket se nuk përmbushnin pritshmërinë e saj.
Por Grigja bëri një shpjegim për mbështetësit e saj:
“Të dashur demokratë.
Sot shoqëria civile pati një protestë para Kryeministrisë, lidhur me Rrugën e Kombit dhe taksat e rritura të biznesit.
Ne jemi pro çdo proteste, por shoqëria civile dhe sidomos dyshja Goxhaj-Pesha, na kanë paralajmëruar të rrimë larg tyre, se ata kanë në dorë fatin e popullit dhe se ne jemi të lidhur me Sorosin.
Dhe ne vendosëm të mos i shqetësojmë.
Por shikoj me keqardhje se pas kësaj, njerëzit kanë qëndruar në shtëpi.
Për këtë dua që të sqaroj qytetarët se protesta nuk është e jona dhe mos u gënjeni nga parrullat.
Disa media të Edi Ramës e shpjegojnë dështimin e protestës me faktin se ajo është kundër Sorosit dhe se është për taksën e Rrugës së Kombit.
Kjo nuk është e vërtetë.
Protesta kundër Sorosit është një kauzë e drejtë, që një ditë do të triumfojë në Shqipëri, dhe nuk ka lidhje me dështimin e sotëm.
As fakti që protestuesit kërkonin heqjen e taksës së Rrugës së Kombit nuk ka lidhje me dështimin.
Ato vërtet janë kauzat tona, por populli nuk i ka braktisur si kauza.
Populli ka braktisur ata që na kanë vjedhur kauzat.
Shoqëria civile na ka vjedhur kauzat, por nuk mund të na vjedhë popullin.
Kur ne ngritëm njerëzit për taksën e Rrugës së Kombit, ata tentuan të na zbojnë duke thënë se populli është me ta.
Duke menduar se mund ta shtyjnë jetën duke vjedhur kauzat tona, ne i lamë ta bënin protestën, dhe dështuan.
Por kjo nuk do të thotë se ne kemi dështuar.
Të gjithë ata që thonë se njerëzit nuk ngrihen për taksën dhe taksat në tërësi, mashtrojnë.
Njerëzit nuk ngrihen vetëm kur shikojnë disa njerëz që i kanë rrjepur privatisht me taksa.
Me këtë rast, i bëj thirrje shoqërisë civile të mos përzihet më me kauzat dhe protestat tona, se na diskretitojnë.”
