Nga Rigels Seliman
Ju që po kexoni këto rreshta, besoj keni dëgjuar për heroin tonë kombëtar Gjergj Kastriot (Skënderbeun) dhe historinë e këtij të fundit. Skënderbeu zhvilloi luftë mbrojtëse dhe për 25 vjet, nga viti 1443 deri në vitin 1468, ushtria 10,000 anëtarëshe e tij luftoi e fitoi kundër forcave osmane, të cilat ishin vazhdimisht më të mëdha dhe më të furnizuara. Gjë për të cilën u admirua. Por burrat si Skënderbeu janë të rrallë dhe unik, pavarësisht se në realitetin tonë, ka politikanë që kërkojnë të jeni shembulli i tij.
I tillë është rast i presidentit të Republikës së Shqipërisë, Ilir Meta, i cili jo më larg se javën që lamë pas, postoi një meme në llogarinë e tij në “Facebook”, teksa e etiketonte veten e tij dhe institucionin që drejton si kështjellë të pa mposhtur. Meta në mënyrën më hipokrite hiqte një paralele mes tij dhe heroit tonë Skënderbeu, ku në meme kështjella Presidencë qëndronte hijerëndë para pushtuesve që nuk ishin turq, por qytetarë shqiptarë të cilët militojnë pranë Partisë Socialiste.
Të gjithë njerëzit dhe media pranë kreut të shtetit nxituat që ta shisnin memen si momenti final i përplasese që Meta dhe qeveria do të kenë dhe që në fund të kësaj beteje triumfator do të dalë presidenti. E besoni ose jo, por Meta në kushtet e “lajthitjes” dhe i kapur nga narcizimi, e shoqëronte diçiturën edhe me etiketimin, Presidenca, ndërsa armiq për të ishte mazhoranca socialiste, të cilin e kishte bekuar me emrin Rilindja. Ky veprim i tij, u pasua me një sërë reagimesh, ku shumica nuk mbështesinin Metën, ndërsa një pjesë që janë fansa të presidentit u mbërthyen nga ovacion, teksa në mënyrën më arroganë thoshni: “E mposhtëm rilindjen, rroftë kreu i shtetit që iu hodhi zift socialistëve sapo ata tentuan që të pushtonin kështjellën Presidencë”.
Mirëpo, duke soditur situatën e cila është shumë komike, edhe unë nuk u mendova dy herë, por nxorra penën dhe nisa të shkruaj këto rreshta. Fillimisht, kur u përballa më ketë meme të lançuar nga Meta u shtanga, ndërsa më pas kjo gjendje kaloi shpejt, duke e ditur dhe e njohur kreun tonë të shtetit. Këtij të fundit i ka mbetur ora dhe akoma gënjehet se është “King Maker”. Jo, zoti Meta, jo! Ka ikur koha kur ti vendosje për fatet e një qeverie dhe për rrjedhojë edhe të qytetarëve shqiptarë.
“Lajthitja” jote nuk mund të të ndihmojë ty që të jesh protagonist në Shqipëri, pasi qyetetarë e tokës ilire të njohin shumë mirë, ndërkohë që të njëjtën gjë dhe konisideratë gëzojnë edhe të huajt për. Madje, ndërkombëtarët të njohin shumë mirë dhe nuk kanë ezituar të të shpallin ty “Non grata”, siç bërë zotrote me ambsadorin e OSBE në Tiranë, Bernd Borchardt. Edhe pse ti z. president ke përdorur të njëjtën gjuhë të mbushur me sulme dhe akuza si me mazhorancën, ashtu edhe me ambasadorët e huaj të atashuar në vendin tonë, askush nuk ka replikuar me ty duke të lënë ty të qetë në “lajthitjen” tënde sezonale.
Kështu që, shkëlqesia juaj president i Shqipërisë duhet të reflektosh dhe më e pakata mos hidh baltë mbi ndërkombëtarët, pasi me qeverinë nuk ta kërkojë këtë gjë, sepse tanimë i ke shpallur “luftë”. Por mos harro zoti Meta se lufta është babai dhe mbreti i çdo gjëje, ajo disa i bënë Zota, e disa të tjerë burra, disa ajo i bënë skllevër dhe disa të tjerë të lirë.
Kështu që, z. president Ilir Meta harroje se ti do të jesh “Skënderbeu” i kohëve moderne dhe personi që do të ndryshosh Shqipërinë, pasi kjo tanimë po ndryshon dhe korr progres, ku çelsi i suksesit është pensionimi jot në Presidencë. Shqipëria nuk është e pushtuar nga askush, sikundër pretendon ti z. Meta në memen e lançuar, ndërkohë që duhet të kuptosh se të majtë dhe të djathtë jemi vëllezër me njëri-tjetrin, e jo armiq.
