Gazetari Ylli Rakipi tha mbrëmjen e djeshme se opozita nuk i fiton dot zgjedhjet me betejën aktuale që po bën me Ramën. Duke iu referuar ndryshimit të strategjisë që Basha ka bërë në daljet publike, Rakipi tha se nuk fitohen zgjedhjet duke imituar Ramën dhe duke ngrënë paçe koke.
“Me këtë luftë që ka nisur opozita shqiptare nuk i fiton zgjedhjet me Edi Ramën, nuk fitohet kështu me këtë regjim. Duke pirë kafe me dy kohë, duke ngrënë paçe koke, duke takuar njerëz duke veshur kostum të trash dhe kapuç të trash në temperaturën 20 gradë për të imituar Edi Ramën.
Edi Rama është i paimitueshëm në botë. Edi Rama ka vetëm një gjë, njeriu më i zoti në botë për të bërë atë që bën. Atë fasadën e jashtëzakonshme ato poturet që vesh. Po fillove të vishesh dhe ti të krijosh veshje, pra nëse do e imitosh këtë njeri ai të lë miliona kilometra mbrapa”, u shpreh gazetari Ylli Rakipi.
