Në një lidhje të drejpërdrejtë me News24, kryedemokrati Lulzim Basha iu përgjigj pyetjes nëse krahas propozimeve të deritanishme lidhur me situatën në vend pas përhapjes së koronavirusit, do të propozojë edhe krijimin e një qeverie emergjence të unitetit kombëtar.
Për Bashën ajo c’ka ka rëndësi, është që secili të bëjë detyrat e veta
Pjese nga intervista:
Përtej gjithë propozimeve, a e ka menduar opozita të bëjë një propozim për krijimin e një qeverie emergjence të unitetit kombëtar, me ekspertët më të mirë nga të gjitha kahet politike? Nuk e kemi mbase luksi për tre task forca…
Nuk ka tre task-forca, është vetëm një e qeverisë, e cila ka për përgjegjësinë mjetet buxhetin dhe gjithcka për të vepruar. Natyrisht duhet që institucionet të bëjnë punën për të vepruar, të bëjnë politikat e tyre, të bëjnë politikat fiskale, financiare duhet të ndryshojnë buxhetin, të japin fonde për shëndetësinë.
Ka një opozitë e cila ka detyra të qarta, transparencën pa të cilën nuk mund të kemi përballje të suksesshme. Transparenca është miku ynë më i mirë kundër panikut, sa më të informuar të jenë qytetarët aq më pak pasiguri ka, apo mundësi për abuzim, fake news.
Së dyti llogaridhënia Llogaridhënia do të bëjë të mundur që qeveria të kryejë detyrat.
Dhe së treti propozimet. Mendoj se kemi bërë detyrën tonë dhe do vijojmë ta bëjmë. Presidenti ka detyrat e veta me kushtetutë. Secili duhet të bëjë detyrat e veta. Ftesa ime për pozitën është të mos vonojë çast.
