Nga Anri Bala
Teksa bota dridhet, kurva nis të krihet, lyhet e zhgërryhet, zvarritet e zhgarravitet, në fund lebetitet nga halli që na ka zënë… ne popullin e saj, që na do shumë, deri në vdekje… tonën. Kurva lutet me lot në sy, përgjërohet për ta kthyer në pushtet, edhe njëherë atje nga e dëbuam me dhunë dhe grusht… demokratik. Ndoshta do u duket e pabesueshme, por për mua tashmë nuk ka asnjë pikë dyshimi, se maskarenjtë e politikës së rrumpallës, sot janë ortak unikal në rruzullin tokësor të koronavirusit.
Asgjëkundi nuk kam parë e dëgjuar, në këto ditë të vështira për mbarë globin, që një bashkësi njerëzish të vetëquajtur opozitë, të jap mësime, këshilla, deklarata, madje lëshojnë edhe kërcënime në emër të shqiptarëve! Shpresëplotë se diçka e zëzë do ndodhi, nuk ndalojnë së bëri këshilluesin dhe helmuesin, duke mos ditur asgjë, por duke e dëshiruar gjëmën me shpirt, që këtë vend ta mposhti armikvirusi vdekjeprurës.
Paturpësisht dhe poshtërsisht, pas oxhaqeve të Gjirit të Lalzit apo Vilave të Lundrës, Royal apo Long Hill-et e tyre, apo në resorte të tjera larg Tiranës, kërkojnë që të testohen shumë e më shumë njerëz, megjithse nuk kanë asnjë arsye …asnjë shenjë sëmundjeje. Djallëzisht ëndërrojnë që vendi të mbushet me të infektuar imagjinarë dhe natyrisht pse jo edhe me viktima, për të vërtetuar se nuk kishin ngrënë m*t kot por kishin të drejtë.
Vërtetimi i të lehurës së tyre, si qeni që lajmëron çobanin të ruaj tufën nga ujku, është një sihariq i madh për ta. Megjithëse askush nuk i ka vënë qen roje, ata kanë kohë që janë kthyer në qen rruge, duke e braktisur me dëshirë koliben ku hanin e pinin për shtatë palë qejfe, edhe atë herë duke lehur.
Natyrisht që vendi ynë nuk i ka kapacitetet për të bërë teste kontrolli masive për të gjithë shqiptarët, por ama nuk ka deri më tani, një rast të vetëm, që persona që kanë pasur shenja ose shqetësime që ngjasojnë me ato të virusit covid-19, të kalojnë pa u testuar.
Të dalësh dhe të kërkosh të pamundurën, duke pretenduar se të gjithë jemi të sëmurë dhe rrezikohemi seriozisht me jetën, kjo është një vepër kriminale në situata lufte. Mirëpo e gjithë kjo kakofoni e ka një qëllim duke shfrytëzuar kërcënimin si mjet: Mbushjen e spitaleve me njerëz jashtë mundësive dhe kapaciteteve për të krijuar kaos dhe amulli në vend, sepse ju i paragjykoni për budallenj e sharlatanë, por shejtan-budallenjtë tanë intrigën e tyre e kanë mirëstudjuar.
Fshehja e tyre pas dhembshurisë për popullin, është një fyerje që nuk gëlltitet lehtë nga populli që rri zgjuar e në ankth, që siç pret mposhtjen e armikut, pret dhe ndëshkimin e “miqve” që po bëhen copë… për të ardhmen e tyre. Zot na ruaj nga këto maskarenjë, që shpresojnë të rikthehen në pushtet mbi kufomat e kësaj lufte duke u bër palë me “armikun”. Si është e mundur që mund të mbijetoj në këtë vend, një virus kaq i rrezikshëm sa vetë Covid-19, i cili as nuk fshihet për të sulmouar tinëzisht, por e bën atë ditën për diell?!
Personalisht ndjehem i neveritur ndaj kësaj race dhe nuk kam asnjë përgjigje racionale për ta, por vetëm një urim: Shpresoj që koranavirusi i tyre i dashur tu trokas në derë, për t’ia mbyllur të paktën për ca kohë gjirizin, deri sa “lufta” të ketë përfunduar e vendi të ketë shpëtuar edhe nga armiku, por edhe nga miqtë e armikut. Atëherë do të shihni se si do ndryshojnë maskarenjtë e verbuar për pushtet, që u bën ortak me Covid-19… për të “zezën e vet”!/Ekskluzive.al
