Fatos Lubonja i është përgjigjur kryeministrit Edi Rama, ndërsa ky i fundit e përmendi në emisionin “Zonë e Lirë”, ku refuzoi t’i pyetjes mbi ecurinë e coronavirusit në javën e ardhshme, ndërsa tha se “s’donte të bënte si Fatos Lubonja që flet për gjithshka”.
Me një shënim në facebook, Lubonja thotë se i është referuar speciaistëve kur ka folur për koronavirusin, ndërsa shton se vetë kryeministri ka bërë “epidemiologun dhe virologun duke deklaruar se karantina nuk e pengon përhapjen e virusit”.
Postimi i plotë:
Edi Rama, i pyetur nga Arjan Çani mbi ecurinë e coronavirusit në javën e ardhshme u pergjigj se nuk mund të jepte përgjigje, se këtë e dinë specialistët, e se s’donte të bënte si Fatos Lubonja që flet për gjithshka.
I përgjigjem Edi Ramës se sa herë kam folur për koronavirusit i jam referuar specialistëve të ndryshëm, (duke venë në dukje madje edhe kontradiktat midis tyre) e nuk kam bërë si ai që në 12 mars ka bërë epidemiologun dhe virologun duke deklaruar se karantina nuk e pengon përhapjen e virusit.
Do të ishte mirë që kjo përgjigje të ishte shenjë se vërtet Kryeministri ynë ka reflektuar për atë se duhen dëgjuar edhe specialistët për vendimet që merr, por kam frikë se kjo ishte thjesht një batutë për të denigruar një gazetar, e se ai do vazhdojë të marrë vendime në emër interesash të tjera nga ai i qytetarëve (jo vetëm përsa i përket krizës dramatike të koronavirusit) duke shpërfillur sa interesat e qytetarëve edhe opinionet e mediave apo specialistëve që flasin në emër të interesave të tyre.
Tosi nuk lexon se çfarë thonë qytetarët dhe tharron se mediat ku leh ai dhe një bandë me miqtë e tij, që nuk kanë asnjë lidhje me gazetarin dhe informimin, por me shpifjen dhe mashtrimin, janë njerzit më të sulmuar nga qyteatrët dhe më të urryerit.
